上集我哋一句話起咗個「水的蒸發」互動實驗室（未睇？IG 留言「實驗室」攞返上集教學）。
今集升級。核心心法一句講清楚
好嘅教材唔係背 prompt 背出嚟，係同 AI 一句一句「傾」出嚟。 唔啱心水，唔使重頭嚟——直接話佢知你想點。
🧰 今次用咩工具
同上集一樣：Gemini（Canvas），免費版，喺上集嗰個對話度直接傾落去就得。⏱ 每個升級不過 30 秒。
| 工具 | 做咩 | 使費 |
|---|---|---|
| Gemini（Canvas 功能） | 一句話直出互動實驗室 | 免費版可用 |
| 瀏覽器 | 開成品、分享畀學生 | 免費 |
Step 1：A/B 對照實驗——有風 vs 冇風，一眼睇晒
加入「A/B 對照實驗」模式：畫面並排顯示兩個相同的容器，可以分別設定不同條件（例如一邊有風、一邊無風，或不同溫度），實時比較兩邊的蒸發速率同水位變化。
💡 「控制變數」概念唔使口講——學生一眼睇到。科學探究嘅精髓，一句 prompt 搞掂。
Step 2：預估乾曬時間
加入「預估完全蒸發所需時間」顯示，隨學生調校參數即時更新。
Step 3：加埋第四個變數——環境濕度
在溫度、風速、水體接觸表面積之外，加入「環境濕度」作為第四個可調控變數。
【廷伸教學】自動生成隨堂測驗，答錯有解釋 ✅
成套嘢最勁嘅一步：
新增一個「隨堂測驗」分頁：生成 5 條關於蒸發概念的選擇題（包括情境應用題，例如「洗完衣服邊種曬法乾得最快」），學生作答後即時批改，答錯時顯示簡短解釋。
教材、實驗、評估——一條龍齊晒。而你由頭到尾，冇寫過一行 code。
🔧 修錯心法：形容個問題就得
生成有嘢唔啱好正常，唔使重新開始：
-
畫面亂咗 →「XX 同 XX 重疊咗，請修正排版」
-
測驗太深 →「將測驗題目調整至中一至中三程度」
-
想改返轉頭 →「將 A/B 對照改返做單一容器模式」
記住分工：你負責講「想點」，佢負責諗「點做」。
📲 進階課堂玩法
-
隨堂測驗做 exit ticket——落堂前 5 分鐘全班做，即時知邊個概念未入腦
-
A/B 模式配實驗設計題：「想證明風速有影響，兩邊應該點設定？」——控制變數思維訓練
-
分享連結出做家課，聽日返嚟討論結果
🎓 你已經係「AI 建構師」
呢兩集學嘅唔止一個實驗室，係一套三步方法：起手要成品 → 補充你想要 → 描述錯誤修到啱。中文、數學、人文——乜科都起到教材。
下一款想起咩？👉 IG @bel_stem 留言話我哋知——每星期教你「起」一款！
圓心教育 BEL ・ AI for ALL Subjects