你平時教呼吸系統，係咪都係開返課本幅圖、指住講——講到「左肺兩葉、右肺三葉」，學生仲係一臉茫然？
想要幅識㩒識郁嘅解剖圖，以前要買軟件、要識編程，搵人整仲要幾千蚊一幅。而家用 Gemini 嘅 Canvas 功能，兩句話、等十幾秒就畫咗出嚟！一行 code 都唔使寫，免費版都做到！
🧰 今次用咩工具
| 工具 | 做咩 | 使費 |
|---|---|---|
| Gemini（Canvas 功能） | 一句話直出可點擊嘅解剖互動圖 | 免費版可用 |
| 生物課本 | 對圖核實科學準確（好緊要） | 你張枱上面嗰本 |
| 瀏覽器 | 開成品、分享畀學生 | 免費 |
就係咁多。全程 10 分鐘內。
Step 1：開 Gemini，加入 Canvas
入 gemini.google.com → 開新對話 → 撳輸入框「＋」→ 揀「Canvas」。
Step 2：一句 Prompt 畫幅準確嘅解剖圖
AI 畫圖最大鑊嘅位係咩？亂畫。所以呢句 prompt 最重要嗰三隻字係——「唔好求其畫」。成句照抄，一隻字唔使改：
用 Canvas 製作一個人體呼吸系統互動圖，請你親自繪製，依真實人體解剖結構、比例準確（唔好求其畫）。外觀：配色柔和清晰、字體夠大、適合課堂投影。全部繁體中文。
等 10–20 秒——幅圖出咗嚟：有鼻腔、有氣管、有肺，配色柔和，投影出去睇得清。
Step 3：補一句，部位同互動一次過齊
幅圖靚仲未夠，要「教得到」。呢句一次過搞掂三件事：標示部位、鎖死科學細節、加點擊互動：
準確畫出並標示以下部位：鼻腔、咽、喉、氣管、左右主支氣管、細支氣管、左肺（兩葉）、右肺（三葉）、肺泡（放大示意）、橫膈膜。形狀、相對位置、左右肺葉數目（左二右三）必須正確。互動：點任一部位 → 該部位高亮＋側欄顯示結構功能（淺白繁體中文＋中英名稱）。
👉 留意「左肺兩葉、右肺三葉」同「必須正確」呢幾隻字——唔講明，AI 好易畫成左右對稱。你講得幾死，佢畫得幾準。
【最強外掛】叫 AI 畫埋幅圖之前，先叫佢「唔好老作」
🔍 教材要入課室，科學準確係死線。落多呢句，佢就唔會亂填：
如不確定，從略而非杜撰。另外輸出一份純文字清單，逐部位列出結構功能，供老師核對。
個清單一出，你攞住本課本三分鐘核對完——三大死線先過關：①左肺兩葉、右肺三葉 ②各部位相對位置 ③中英名稱冇串錯。過到先攞入課室。
📲 點樣攞去堂上用
Canvas 右上角「分享」→ 攞連結 → 貼落 Google Classroom 或者出 QR code。學生開瀏覽器就㩒到，唔使裝任何 app。
建議玩法：投影出嚟，隨手點一個部位，問全班「呢度叫咩、做咩」→ 答完先㩒開側欄對答案 → 默書前放連結畀佢哋自己溫，唔使問你。
🔧 執漏三寶（常見問題）
下集仲勁 🛠️
EP2 教幅圖「呼吸」：橫膈膜識升降、空氣粒子由鼻腔一路流入肺泡、仲有播放掣同調速——慢鏡逐格睇，書本教十分鐘嘅嘢，慢播一次學生就明。
關鍵咒語預告：「接續上一個圖，在原有基礎上加，不要推倒重來。」